E aña aki atrobe CRCCDA lo ta presente den e plan di vakashon di FDDK ku lo tuma lugá riba dianan djaweps 12, djabièrnè 13, djamars 17 i djarason 18 di yüli próksimo na SDK. E orario riba tur e 4 fecha nan lo ta di 9or mainta pa 12or mèrdia.
Hóben nan ku partisipá lo tin chèns di akudí na e sekshon kaminda CRCCDA lo tin un pista provishonal, pa asina sera konosí mas di aserka ku e deporte di outo remote kontròl. Nan lo por haña informashon tékniko básiko i tambe e oportunidat pa por kore e outo nan di remote kontròl eléktriko brevemente.